Maaniipputit

> Saqqaa > Naalakkersuisunngortitsineq > Kuupik Kleist

Oqalugiaatit nalunaarutillu: Oqalugiaatit nalunaarutillu
Naalakkersuisut siulittaasuata ammaanermi oqalugiaataa: Inatsisartuni qinigaaffiup qiteqquteriilaarnerani ukiakkut ataatsimiinnerup aallartinnerani Naalakkersuisut sinnerlugit tikilluaqquneqarnitsinnut qujallunga oqaatigissavara ataatsimiinnissaq manna qilanaarisimagatsigu, aammalu annertuumik piareersaatinik suliaqarfigisimallugu. Piareersaataasimasulli annertunerusumik oqaaseqarfigitinnagit qaammatini qaangiuttuni pisimasut nuannersut, alianartut tupannarsinnaasullu siulliullugit oqaaseqarfigissavakka. Siullermik ippassaq Folketingimut qinersineq. Pisarnertut pissanganartumik qineqqusaartoqarlunilu ulloq qinersiviusoq nuannersumik ingerlavoq. Qinigaasut pilluaqquakka – neriulluarfigaatsigit, sulilluarnissassinnik suleqatigiilluarnissassinnillu kissaappatsigit – neriulluta nunatsinnut sinniisuulluassasusi. Naalakkersuisuni suleqatiginissassinnut qilanaarpugut.
Allatarisimasat toqqorsiviat: Allatarisimasat toqqorsiviat
§36 - Naalakkersuisunut apeqquit

26 nov 2010

Aalajangersagassat pingaarutillit siunissaq ungasissoq isigalugu aalajangersaaffigisassavagut

: Processionen til domkirken fra Hans Egedes hus.

Naalakkersuisut siulittaasuata ammaanermi oqalugiaataa

Ataqqinartoq Inatsisartut siulittaasuat, ataqqinartut Inatsisartuni ilaasortat nunaqqatikkalu tusarnaartut isiginnaartullu.

Inatsisartut siulittaasuanut qujavunga tikilluaqqusilluni oqaasiinut.

Tamatta pinngitsoqarata nalunngilarput qangatut ingerlasinnaajunnaariartorluta.

Politikkikkut aalajangersagassat pingaarutillit siunissaq ungasissoq isigalugu aalajangersaaffigisassavagut. Misilittakkattami takutereerpaat ullormiit ullormut pipallatanik aalajangersaasarnerit toqqissisimanarnatillu aqqutissaanngitsut.

Nunatsinni ineriartornerup atugarissaarnerlu qanoq qulakkeerneqarsinnaanerat pillugu oqallisissiaq tunngavissiatullu nalunaarusiaq majip naalernerani saqqummerput.

Taakkua Akileraartarnermut Atugarissaarnermullu Ataatsimiititaliap sukumiisumik suliaasa ersarissumik oqariartuutigaat maanna killiffiusoq periarfissaanngitsoq. Saqqummersitani taakkunani pissutsit inuiaqatigiinni atuuttut tamatigoortumik sammineqarput Naalakkersuisunilu assut qilanaarluta pissangavugut isumaliutissiissutip februarimi naammassineqarnissaanut.

...

Allattoq:
Kuupik Kleist
kukl@gh.gl