Isumaqatiginninniarnissaq qilanaaraarput

-Aningaasanut inatsisissap isumaqatiginninniutiginissaa qilanaaraarput, Naaja Nathanielsen, Inatsisartuni aningaasaqarnermut ataatsimiititaliami siulittaasoq Aningaasaqarnermut naalakkersuisup Palle Christiansenip 2011-imut aningaasanut inatsisissamut naalakkersuisut siunnersuutaanut qisuariarpoq, nangillunilu:
-Maluginiagassaavoq aningaasartuutinik mianersuussilluni ingerlaniarneq pingaartilluinnarneqartoq, nunarsuarmimi aningaasarliorneq suli malunnaateqarluinnarpoq, naalakkersuinikkullu suliaqartunut akisussaassuseqarluinnarnissamik piumasaliilluni. Aqqaluaq B. Egede.IA, Inatsisartut Inuussutissarsiornermut Ataatsimiititaliaanni siulittaasoq tapersiilluni oqarpoq:
-Qoornumiit nalunaarummi aggustip aallaqqaataani 2010-mi saqqummersinneqartumi periarfissat assigiinngitsut erseqqissarneqarput, soorlu aamma naalakkersuisooqatigiit tusagassiuutinut nalunaarumminni kujataani inuussutissarsiutitigut ineriartortitsinissamut pilersaarutit aamma pingaartikkaat. Tamakku timitalersornissaat tunaartaralugu aningaasanut inatsisissaq isumaqatiginninniutigiumaarparput, Naaja Nathanielsen Aqqaluaq B. Egedelu naggasiipput.